Tik snėigenas ognis ož longa.
Tik lītos ī dūšė, pri ousė.
Dalėn apėnt vies tošti dongo
Atkondės, po debesi — kousnēs.

Tik žvilgis ī niekor... kāp vakar
I krīžiū medėni, ī rūti
Beveizont, par naujė, tėn pakār
Be Tāvės ožgėmosė — būti.

TIk pādkavas kertie — ne mona...
Ož tvuoruos šešoulė palaipa.
Kol par kraštos sola ozbuona,
Pernīkštė ožlėkosi laipiuo...

Tik žuodē, po lėtara jouda
Ėš mėsliū bedognės ... atviesa.
Kas žėna? Kėik čiesa īr douta?
Sekundiem dalīsio Tau — vėsa...

Lig kaulu, lig gīslū, lig kraujė
Tebesontēm — lītos ož longa
Kol snėigenū ognis, par naujė,
Dalėn vies po debesi dongo...


Renata Kuršytė
2015
šiaurės žemaičių kretingiškių tarmė

Papildoma informacija

  • Duomenys apie kūrinį

  • Muzikinio įrašo tipas: Namudinis
  • Muzikinio įrašo kokybė: Gera
  • Auditorija: Suaugę

Šį kūrinį mėgsta

  • Kol kas mėgstančių sąrašas tuščias...

Norėdami rašyti komentarus, atsiliepimus, pastabas prisijunkite

Komentarai  

#1 Jonas Baltokas 2016-05-12 14:47
man kaip ne žemaičiui daug kas čia nesuprantama, bet neabejotinai gražu :)